Li Qamişlo bi hezaran kes bi slogana ‘’Na ji koçberiyê re, erê ji vegerê re‘’ meşa înê li dar xistin.

Duh, li ser banga Tevgera Civaka Demokratîk (TEV-DEM) li Qamişloyê bi hezaran kes, nûnerên saziyên sivîl, meclîsên gel ên taxan,  rêxistin û kesayetên siyasî û civakî jî di nav de ji ber Mizgefta Qasimo dest bi meşê kirin û meş li meydana Osman Sebrî bi dawî bû.

Di meşê de posterên Rêberê Gel Kurd Abdulah Ocalan û alên kurdî hatin vekirin. Meşvan li meydana Osman Sebrî kom bûn û li vir Cîgirê Serokê Meclîsa Gel a Qamişlo Merî Mihemed axaftinek kir.

Mihemed bal kişand ser hefteya qehremaniyê û fermandarê leşkerî yê Hêzên Rizgariya Kurdistanê Mahsûm Korkmaz (Egîd) bi bîr anî.

Her wiha Mihemd bang li kesên ji Rojavayê Kurdistanê Koçkirine kir daku vegerin malên xwe û di nava şoreşa gelê Rojava de cihê xwe bigirin.