HPG’ê ragihand ku, vê sibehê li Şemzînanê operasyona hatiye destpêkirin. Her wiha herêma Zape ya girêdayî Herêmên Parastina Medyayê bi obîs û hawana hatine bombebaran kirin.

Navenda Çapemenî-Ragihandina HPG’ê (HPG-NÇR)’ê daxuyaniyek nivîskî da û da diyarkirin ku, 14’ê Adarê li derdora demjimêrên serê sibehê 05.00-06.00’an li derdora gundê Nehrê û Derya yên girêdayî navçeya Şemzînana Colemêrgê artêşa Tirk operasyona daye destpêkirin.

HPG’ê aşkera kir ku, “Roja 13’ê Adarê di navbera demjimêrên 16.00-18.00'an de li dijî Herêmên Parastinê yên Medyayê yên di nava sînorên herêma Zapê de, herêma Şehîd Karwan ji aliyê artêşa dagirker a Tirk bi hewan û obîsan hatiye bombebaran kirin.”