Li dijî êrîşên DAIŞ'ê bi armanca xwedîderketina li Kobanê, bi hezaran kesên li ser sînor in zincîra ji mirovan a 3 kîlometre dirêj, ava kirin.

Bi hezaran kesên bi şev li gundê Elîzêr ê li rojhilatê navçeya Riha Pirsûsê man, ber destê vê sibehê, nêzî 3 kîlometre seranserê sînor, zincîra ji mirovan ava kirin.

Girseya gel dirûşmên "Bijî Serok Apo", "Bijî berxwedana YPG" diqîre.

Li aliyê din, tê payîn ku girseya gel a bi 21 otobusan ji Stenbolê hat îro vegere. Ji Rêveberên DBP'ê yê Stenbolê Emrûllah Bîngul danê sibê daxuyaniyek da û diyar kir ku li ser daxwaza girseya ji Stenbolê hatî, ew ê çalakiya nobedê ya îro dewam bikin.