Ciwanên Kurd ên ku li welatên Skandînavyayê dijîn, li bajarê Swêd Goteborgê hatin li gel hev û li hev kirin ku xebatên ciwanan ên li Swêd, Norwêc, Danîmarka û Fînlandiyayê bi rêxistinbûyîneke nû bi hev re werin meşandin.

Ciwanan, ji bo destpêkê Komîteyeke Koordînasyonê damezrandin û Berdevkên xwe yên welatên Skandînavyayê diyar kirin. Ciwan li ser aktîvîteyên xwe yên li welatên Skandînavyayê rawestiyan. Ciwanan di civîna xwe de, êrîş û komkujiyên çete li dijî gelê Rojavayê Kurdistanê dimeşînin, nirxandin. Biryar hat dayîn ku ji bo teşhîrkirina çeteyan, ragihandina rewşa Rojava li raya giştî ya Skandînavyayê û destekkirina têkoşîna gelê Rojava, gavên berçav werin avêtin.

Ji bo xurtkirina têkoşîna mafdar a gelê Kurd bal hat kişandin ser girîngiya rêxistinbûyîna ciwanên li dîasporayê. Ji bo ev yek were afirandin, xebateke 5 rojan a perwerdeyê hat plankirin.