Di pevçûnên ji duh bi şev ku li Serêkaniyê rudan de 21 çeteyên Dewleta Îslamî ya Iraq û Şamê Cebhet El-Nusra hatin kuştin.

Hate hînbûn ku di pevçûnên şevê din ku li ser riya Til Xelef û Serêkaniyê di navber hêzên YPG’ê û çeteyên Dewleta Îslamî ya Îraq û Şamê Cebhet El-Nusra qewimîne 15 çete hatine kuştin. Her wiha îro jî di seatên nîvro de hêzên YPG’ê bersiva topbarana çeteyên El-Nusra dan û di encamê de 6 çete hatin kuştin.

 Li gorî agahiyên ku hatine bidestxistin Çeteyên Dewleta Îslamî ya Iraq û Şamê Cebhet El-Nsura îro seat di 13.30’an bajarê Serêkaniyê topbaran kirin û hêzên YPG’ê li ser vê yekê navendên komên çete topbaran kirin û di encamê de 6 çete hatin kuştin, gelek birîndar bûn û wesayîtek doçka hate ruxandin. 

Pevçûnên li navbera Til Xelef û Serêkaniyê ku di navber hêzên YPG’ê û çeteyên El-Nusra derketibûn berdewame.