Piştî ku komên çete yên girêdayî Dewleta Îslamî ya Iraq û Şamê/Eniya El-Nusra di 17’ê Tîrmehê de ceyrana Serêkaniyê birî, Komîteya Xizmetan a Tevgera Civaka Demokratîk (TEV-DEM) ket nava lêgerînê û hewl dide ku ji navenda Siwêdiyê ceyranê bîne bajêr.

Piştî ku di 17’ê Tîrmehê de komên çete yên girêdayî Dewleta Îslamî ya Iraq û Şamê/Eniya El-Nusra ji aliyê hêzên YPG’ê ve ji bajarê Serêkaniyê hatin derxistin, çeteyên El-Nusra ceyrana bajêr ku ji navenda Mebrûka ya Reqqayê dihat qut kirin. Ji wê demê ve pirsgirêka ceyranê li bajêr didome û bandora neyênî li ser jiyana rojane ya şêniyên bajêr dike.

Bi armanca çareserkirina pirsgirêka ceyranê Komîteya Xizmetan a TEV-DEM’ê ket nava liv û tevgerê. Endamê Komîteya Xizmetan a TEV-DEM Tariq Yezîdî diyar kir ku ev demeke ketine nava hewldanan û dixwazin ceyranê ji navenda Siwêdîkê bînin bajêr.