Bi hezaran kesên ku ji bo piştgiriyê bidin berxwedana Kobanê hatin Pirsûsê wê li 10 gundên li ser sînor nobetê bigirin.

Gelê ku ev hefteyeke li ser sînorê Kobanê-Pirsûsê li dijî leşker û polîsan li ber xwe didin, berxwedana xwe li ser xeta sînor belav dikin. Bi hezaran kesên li navenda Pirsûsê hatin cem hev li xeta sînor a 25 km’yî li nuqteyên hatine diyarkirin hatin bicihkirin. Li gundê sînor ên Alîzêra, Merdesimêl, Kozika, Zehwan, Dewşen, Etmanik, Hanêrk, Boyde, Aşmê û Siwêdê wê nobet bên girtin.

Bi sedan kesên ji Bedlîs û navçeyên wê hatin li gundê sînor Tîlverdan a li hemberî gundê Zorava ya di bin kontrola YPG’ê de ye bicih bûn.
Du panzer du akreb û bi sedan wesayît li sînor dipên.

HEVSEROKÊ DBP Ê KERBORANÊ DI BIN ÇAVAN DE YE

Li Pirsûsê terora polîs didome. Polîs û leşker kesên ku tên bajar asteng dike ku biçin sînor.

Her wiha Hevserokê DBP’a Kerboranê Abdullah Aslan û kesên li gel wî ji aliyê polîsan ve hatin binçavkirin. Her wiha rojnameger Faruk Siyakoç ê dîmen dikişand hat derbkirin.