Meclisa Jinê ya Bajar a Wanê encamnameya komxebata xwe aşkere kir û diyar kir ku heta wekheviya zayendi pêk neyê demokrasî û aştî pêş keneve. Wekheviya civakî pêş nakeve.

Meclisa Jinê ya Konseya Bajar a Wanê rojên 5-6'ê Cotmehê de komxebat pêk anîbû. Di komxebatê de gelek nûnerên saziyên jinan amade bûbûn û li ser rewşa vîna jinê ya di nava siyasetê de niqaş meşandibûn. Kompeşata ku 2 rojan berdrewam kir gelek mijar hatin niqaşkirin. Meclisê encamnameya komxebatê bi daxuyaniyekê ji cemaweriyê re parve kir. Di encamnameyê de hat diyar kirin ku li meclisa Tirkiyeyê 550 parlamenter hene û ji vana tenê 79 parlamter jin in. Di encamnameyê de hat diyarkirin ku 2 hezar û 950 şaredar hene û ji van şaredaran tenê 28 jê jin in û wiha hat gotin: "Disa di nava 32 hezar û 475 endamêm meclîsên şaredariyê de hezar û 471 jin in. Di nava 3 hezar û 281 endamên Meclîsa Giştî ya Bajar de tenê 115 jin in. Di vir de ji xuya dike ku polîtika bi destê zilam pêş dikeve û zilam biryarê dide."

Di encamnameyê de hat diyarkirin ku mirovên ku li cih û warekî dijîn divê ewlehiya wan, tenduristiya wan û mafê wan ê jiyanê bê parastin û der barê jiyana xwe de xwedî biryar û maf in. Di encamnameyê de li ser rola rêveberiyên herêmî jî rawestiyan û anîn ziman ku ji bo jin bibe xwedî vîn û hêz lazime çalak di nava rêveberiyên herêmî de cih bigire.

Meclisê encamname bi van xalan rêz kir:

* Dema şaredarî erk û peyvira xwe pêk tîne û polîtîkayên der barê herêmê de pêş dixe divê divê li gorî rol û rista jin û zilam a di nava civakê de tev bigere û pêdiviyên wan jî li ber çavan bigire.

* Li Tirkiyeyê vîn û nûnertiya jinê ya di nava rêveberiyên herêmî de ji sedî 3 ye. Divê partiyên siyasî vê rewşa dijdemokratîk bi lezgîn rast bike.

* Divê partiyên siyasî kampanyayên hilbijartinê ji zimanê serdestiya zilam rizgar bike.

* Divê jin tev li biryarên rêveberiyên herîmî bibin û bibin xwedî vîn û hêz. Divê daxwaz û pêdiviyên jinan li ber çavan bên girtin û derkevin pêş. Divê di hemû rêveberiyên herêmî de wekheviya zayendî pêk bê. Divê di hemû xizmetên rêveberiyên herîmî de nûnertiya jin û zilam wek hev be.

* Divê meclisa jinê ya di nava rêveberiyên herêmî de cih bigire û butçeya jinê xweser bê girtin.

* Divê di plansaziyên xizmetên herêmî de rêxistinên jinê jî tev li planê bên kirin.

* Divê makeqanûn û zagona hilbijartinê, partiyên siyasî li gorî zêdebûna vîna jinê û nûnertiya jinê bê amadekirin.

* Divê li gorî pêdiviyên jinê xizmetên herêmî bên dayîn wekî ewlehî, ragihandin, rewşenbirî, mezkenên civakî û çandî, xweza, derdor"

* Divê butçe li gorî hestiyariya zayendî bê plankirin.

* Divê navendên mobîlê xizmet biçe ber piyê jinan û xizmeta ewil a tenduristiyê bê başkirin.

* Divê bi taybetî li gorî jin û zarokên jin ên koçber bûne xizmeta perwerdehî, tenduristî bê dayîn û rewşa ziman jî li ber çavan bê girtin.

* Di xizmetên bajar û rêveberiyên herêmî de bi hemû zimanan xizmet bê dayîn.


* Divê navendên piştevaniya jinê û malbatê, mêvanxane, malên stargehê bên vekirin. Divê navendên heyî jî bên xurtkirni.

* Divê yekîneyên telefonên lezgîn û çalakiyên lezgîn bên avakirin.

* Divê ji bo zewacê bi zorê û zû perwerdehî û semîner bê dayîn. Divê zagon bê guhertin.

* Divê karmendên cemaweriyê yên der barê tundiya li ser jinê de perwerde bê dayîn.

* Divê aboriya jinê bê xurtkirin û ji bo vê yekê derfet bên avakirin.

* Divê ji bo jinê navendên sporê bên avakirin.

* Divê kuştin, cudahiya li dijî jinê ji bi bernameyên navneteweyî ve bê venêrtin. "