Namzetên PÇDK'ê yên Parlementa Herêma Kurdistanê ji bo propagandayê di nav kolanên Diyana, Rewandûz û Çomanê de xebatên xwe dimeşînin.

Namzetên Partiya Çareseriya Demokratîk a Kurdistanê (PÇDK) yên devera Diyana, Çoman û Rewandûzê ji bo danasîna xwe ketin nav kolanan û di nava gel û dikandaran de geriyan. 

Namzetan pirgirêkên gel guhdarî kirin, poster û belavokên li ser kurte jiyana xwe li gel belav kirin. Di vê çarçoveyê de namzeta devera Rewandûzê Perwîn Hesen, namzetê Çomanê mamosta Aram Cebar Heme Emîn û namzetê Diyana mamosta Berzan Mihemed Hemed ketin nava gel, projeyên xwe û PÇDK’ê ji gelê bajêr re anîn ziman û guhdarî pirsgirêkên gel kirin. 

Gel jî bi keyfxweşî ew pêşwazî kirin û jibo wan hêviyên serkeftinê xwestin.

Namzetê lîsteya 113 yê PÇDK’ê yê Çoman û devera Belakatê Aram Cebar wiha got; “Ez weke kesayetek serbixwe ku di lîsta 113 ya PÇDK’ê bi jimara 35 beşdarî hilbijartinan dibim, dixwazim bi dengê we nûnertiya we di parlementê de bikim û bibim xizmetkarê we.”