Nûnertiya BDP'ê ya Herêma Federal a Kurdistanê êrîşa ku duh li Hewlêr pêk hat şermezar kir. BDP'ê diyar kir ku ev êrîşên hovane li hemberî mafên neteweya kurd pêk hatine û sersaxî ji gelê kurd re xwest.

Nûnertiya Partiya Aştî û Demokrasiyê (BDP)'ê ya Herêma Federal a Kurdistanê têkildarî êrîşa ku duh li hemberî Midûriyeta Asayîşê ya Hewlêr pêk hat peyameke şermezarkirinê weşand.

Di peyamê de wiha hat gotin: "Li paytexta Hikûmeta Başûrê Kurdistanê Hewlêr li hember navenda asayîşa giştî êrîşên hovane pêk hatin di encam de 6 endamên asayîşê û welatiyek kurdistanî şehîd bûne 61 welatî jî birîndar in. Ev êrîşên hovane li hember azadiya gelê kurd û mafên neteweya kurd pêk hatine. Em wek nûnertiya Partiya Aştî û Demokrasiyê ya Herêma Kurdistanê ji malbatên şehîdan û hemû gelê kurd re sersaxiyê dixwazin ji birîndaran re şifa dixwazin, van êrîşên hovane û terorîstî bi tundî şermezar dikin. Gelê kurd li hember van êrîşkaran wê yekîtiya xwe û parastina mafê xwe yê neteweyî bi baweriyeke mezin biparêze dijminên gelê kurd û hêzên dagirker wê negihêjin armancên xwe yên nîjadperestî û qirêj."