Operasyona leşkerî ya li ser sînorê Başûr û Rojhilatê Kurdistanê, di roja 3. de bi piştgiriya hêzên hewayî dewam dike.

Hat ragihandin ku operasyona leşkerî ya berî niha bi 2 rojan li sêgoşeya Şemzînan a Colemêrgê, sînorên Rojhilat û Başûrê Kurdistanê destpê kir, bi piştgiriya hêzên hewayî re berdewam dike. 

Li gorî agahiyan, leşkerên ser bi Tabûra Garê derketine operasyonê û li qadên Tanyolu, Mezargedîgî, Gedîktepe, Çiyayê Çîmen û li robara Hacibeg, Bereqeşqe, Tatesîlan, Çiyayequre mizgeftan ên bi ser qada Xakurkê ve leşkerên bi helîkopteran anîbûn wan deveran bi piştgiriya helîkopterên kobra îro 3 roj in di nav tevgerê de ne. Her wiha hat gotin ku leşker nahêlin welatî nêzî herêma operasyonê bibin.