74'emin rûniştina doza KCK'ê ya 108 jê girtî 175 siyasetmedarên kurd li 6'emîn Dadgeha Cezayê giran bi xwendina delîlan berdewam dike. Li gel ku parastina kurdî di meclisê de hat qebûlkirin jî dîsa heyeta dadgehê parastina zimanê zikmakî qebûl nekir û daxwaza parkastina kurdî red kir

74'emîn rûniştina doza 108 jê girtî 175 siyasetmedarên kurd ku di navde şaredar, parlamenter, parazvanên mafên mirovan jî hene yên di bin navê doza KCK'ê de tên darizandin li 6'emîn Dadgeha Cezayê Giran a Amedê berdewam kir.
Di rûniştinê de Parlamenterên girtî Kemal Aktaş û Selma Irmak jî di nav de 48 girtî bi tevahi 50 siyasetmedar amade bûn û 70 girtî jî ji ber bi rapor bûn tev li rûniştinênebûn. Nivîskar Nûray Mert û gelek parêzerên din jî doz şopandin.
Rûniştina dozê bibi parastina parêzeran dest pê kir. Parêzeran ewil xwestin ji bo parastina kurdî werger bê temînkirin. Lê heyeta dadgehê bi hinceta hêj guhertina zagonê neketiye meriyetê daxwaza parêzeran a parastina kurdî red kir. Runiştin bi xwendina delîlên der barê Şaredarê Peyasê Zulkuf Karatekin de didome.