Parlamenterên HDP’yî bi armanca bala raya giştî ya navneteweyî bikişînin ser êrîşên çeteyên DAIŞ ên ser Kobanê wê li ber avahiya NY a li Cenevre dest bi greva birçîbûnê bikin.

Hevseroka KCD’ê û Parlamentera Şirnexê  ya HDP’ê Selma Irmak ku li Kobanê lêkolîn pêk anîn, diyar kir wê bi armanca balê bikişînin ser rewşa Kobanê û êrîşên çeteyên DAIŞ ên li dijî Kobanê li ber avahiya NY a li Cenevre dest bi greva birçîbûnê bikin.

Irmak got ku li gel wê dê Parlamenterên  HDP’ê Kemal Aktaş, Sebahat Tuncel û Endamê Desteya Îcra ya KCD’ê Feleknas Uca jî wê tevlî çalakiya rûniştinê û greva birçîbûnê ya li Cenevre bibin.