Parlamenterê BDP’ê yê Colemêrgê Adil Zozanî ku li ser vexwendiya konferansa salane ya ku Partiya Karkeran a Îngîlistanê pêk anibû  çû Brîghtonê, bi kurdan re hate cem hev û der barê geşedanên Kurdistanê ve agahî dan.

Adil Zozanî ku li kafeya Metropolîst a Kurdish Sussex Comminity tevli taştê bû der barê geşedanên  Kurdistan û Tirkiyeyê de agahî dan. Zozanî wiha got: “Têkoşîna gelê kurd ya mafdar ji aliyê cîhanê ve hate qebûl kirin û ji her demê zêdetir nêzî azadiyê ne.  Em wek BDP’ê dixwazin hemû nasname û baweriyên cuda azad bijîn. Em dixwazin Elewî, Êzdî, Suryanî, Emenî û Ereb wek xwe bijîn. Em di têkoşîna xwe de ne tenê azadiya kurdan, azadiya hemû nasname û baweriyên Kurdistan û Rojhilata Navîn dixwazin. Têkoşîna me jî ji bo vê  ye.

Zozanî destnîşan kir ku Kurdan berxwedaneke mezin nîşan dane û li dijî êrîşan rawestiyane û got kurd bûne ewlehiya demokrasiyê ya Rojhilata Navîn û got: “Kurdên li dîasporeyê dijîn divê zêdetir girîngiyê bidin rêxistibûnê û divê giraniyê bidin dîplomasiya gel. Her wiha riya azadiyê di azadiya jinê de derbas dibe.”

Zozanî îro dê tevi civîna gel ya Mala Gel a Londonê.