Partiya Yekîtiya Demokratîk (PYD) li bajarê Hesekê belgeya di der barê projeya rêveberiya demkî de li rêxistin û partiyên siyasî yên bajêr belav kirin.

PYD’ê li bajarê Hesekê belgeya der barê projeya rêveberiya demkî de li rêxistin û partiyên siyasî yên Kurd, Ereb û Asûriyan yên bajêr belav kirin. PYD'ê ji rêxistinan xwest ku belgeyê binirxînin, nêrîn û pêşniyarên xwe pêşkêş bikin. Di vê çarçovê de şandeyeke PYD'ê çû serdana navenda Partiya Yekîtî ya Demokrat a Kurd li Sûriyê û navenda Partiya Demokrata Kurd li Sûriyê (El-Partî) baskê Nesredîn Brahîm û belegeya der barê projeya rêveberiya demkî de pêşkêşî partiyan kirin.

Di hevdîtinên partiyan de endamê meclisa PYD'ê Şêxmûs Ehmed, endamê Komîta Navendî yê Partiya Yekîtî Izedîn Xelef û endamê Komîteya Têkiliyên Diplomasî ya Tevgera Civaka Demokratîk (TEV-DEM)  Hekem Xelo û endamê Partiya Demokrata Kurd li Sûriyê (El-Partî) Beşîr Evdilqadir axivîn û bal kişandin ser girîngiya rêveberiya demkî li herêmên Rojavayê Kurdistanê.