Hate ragihandin ku balefirên şer ên rejîma Baas çeperên Yekîneyên Parastina Gel (YPG) ên li herêma gundên Kûpirlîk, Çelbê  yên Tilebyadê bombebaran kirine û di encamde du şervanên YPG’ê birîndar bûne. Li gundên Til Findir û Til Xeder ku beriya niha hatibûn valakirin jî, çeteyên Dewleta Îslam Iraq û Bîlad El Şam/Eniya El Nusra tiştên di xaniyên Kurdan de bi wesayîtan dibin Girê Spî (Til Ebyad) û hinek malan dişewîtinin.  

Li gorî agahiyên hatin bidestxistin, îro piştî nîvro balafirên şer ên rejîma Baas çeperên Yekîneyên Parastina Gel (YPG) li herêma gundên Kûpirlîk, Çelbê  bombebaran kirine û di encamê de du şervanên YPG’ê birîndar bûne.

Hate ragihandin ku gundên Til Findir û Til Xeder yên berî niha jiber êrîşên El Nusra hatibûn valakirin jî, ji aliyê çeteyên El Nusra ve tên talankirin. Hate gotin ku çeteyên El-Nusra tiştên di gund ma ne bi wesayîtan dibin Girê Sipî û hinek malan jî dişewitînin.

Li gundê Dugurmanê yê 30 kîlometre dikeve rojavaya Kobanê jî Dewleta Îslam Iraq û Bîlad El Şam/ Eniya El Nusra erîşî bendên kontrolê yên YPG kirin û şerekî demî rû da. Li gorî agahiyan di şer de endamekî El-Nusra hatiye kuştin û yek jî birîndar bûye.