Hate ragihandin ku hêzên rejîma Baas gundên derdora bajarê Efrînê topbaran dike. Balkêş e ku ev topbaran di dema êrîşên komên çekdar de pêk tê û wekî “piştgiriya komên çekdar” hate nirxandin.

Li gorî agahiyên ku Berdevkê Çapemeniya Yekîneyên Parastina Gel (YPG) Rêdûr Xelîl, hêzên Rêjîma Sûriyê ji balfirgeha Minix û herêmên Nubil û Zehra gundê Qîvarê, Ihrizê û Keferşîlê topbaran dike.

Xelîl da zanîn topbaran ji duh êvarê de destpê kiriye û hîn didome.

Rêdûr Xelîl bal kişand ku êrîşên rêjîma Baas di dema ku çekdarên El-Nusra êrîşî Rojavayê Kurdistanê dikin de pêk hatine û ev yek jî piştgiriya rejîmê ya ji bo komên Dewleta Îsalmî ya Iraq û Şamê/Eniya El-Nusra nîşan dide.