13'emîn civîna 59'emîn rûniştina doza KCK'ê ku li 6'emîn Dadgeha Cezayên Giran a Amedê hat dîtin taloqî sibê hat kirin.

13'emîn civîna 59'emîn rûniştina doza KCK'ê ya Amedê ku 97 jê girtî 175 siyasetmedarên kurd 4 salin tên darizandin li 6'emîn Dadgeha Cezayên Giran a Amedê îro jî bi dawî bû. Sere sibê girtiyên siyasî bi maşîneyên ringê ji girtîgehan anîn avahiya edliyê.

Girtî di bin dorpêça polîs û leşkeran de derxistin salonê. Di rûniştina îro de Serokê Şaxa ÎHD'ê yê berê Prz. Muharrem Erbey, Şaredarê Êlihê Necdet Atalay, Parlamentera BDP'ê ya Şirnexê Selma Irmak û Parlamenterê BDP'ê yê Wanê Kemal Aktaş jî di navde 35 girtiyên siyasi û parêzerên wan amade bûn.

62 girtiyên siyakî jî ji ber ku rapora wan hebûn nehatin rûniştinê. Rûniştina îro bi xwendina delîlên der barê endamê Komîsyona Rêveberiya Herêmî û Ekolojik ya DTP'ê Turan Genç dest pê kir. Parastin bi xwendina delîlên der barê Genç de berdewam kir. Pişti parastinê parêzerê Genç Mesut Tanrıkulu jî parastin kir û xwest hemû siyasetmedarên girtî tên darizandin serbest bên berhdan. Heyetê jî piştî parastinê derbasî xwendina delîlên der barê Cîgirê Şaredarê Qoserê endamê Komîsyona Rêveberiyên Herêmî û Ekolojiyê yê DTP'ê Selanik Oner bedewam dike. Rûniştin taloqî sibê hatibû kirin.