Rayedarek Wezara Derve ya Rûs duh daxuyaniyek balkêş derbarê serkeftina muxalîfên Sûriyeyê de da. Lê Berdevkê Wezareta Derve Alexander Lukaçevîç îro bi daxuyaniyekê got: “Helwesta me ya li hemberî Sûriyeyê qet naguhere.”

Li gorî ajansa nûçeyan a Itar-Tassê, Mikhail Bogdanov diyar kiribû ku ew serkeftina muxalefetê li derveyê hesabê nahêlin. Bogdanov got: “Hukûmet û rejîma Sûriyeyê her ku diçe zêdetir kontrola welêt winda dike.”

Bogdanov diyar kiribû ku mirov nikare serkeftina muxalefetê ya li hemberî rejîm piştguh bike û got: “Li gel vê Moskow dê bixwaze ku Belavoka Cenevreyê were pêkanîn û çareseriyeke aşitiyane ji bo pevçûnan pêk bê.”

Lê îro Berdevkê Wezareta Derve ya Rûsyayê Alexander Lukaçevîç daxuyaniyek da û diyar kir; “Bi tu awayî helwesta me ya li hemberî Sûriyeyê naguhere.”