Xizmên girtiyên çalakiyen Geziyê bi boneya girtî serbest bên berdan di hefteya 16'an de çalakiya xwe berdewam kirin. Ji xizmên girtiyan Dayika Hasan Tunç Leyla Tunç, daxwaza azadiya girtiyan kir û diyar kir ku zextên li ser girtiyan zêdebûye.

Endamên Platforma Malbatên Girtî û Berxwedana Geziyê bi boneya girtiyên geziyê serbest bên berdan di hefteya 16'an e li ber Lîseya Galatasarayê çalakî pêk anî. Xizmên girtiyan di çalakiyê de wêneyên girtiyan rakirin û pankarta "Bila qatil bên darizandin û girtî rûmeta me ne" bilind kirin. Dîsa dowîzên "Şehîd û girtiyên Geziyê rûmeta me ne" û "Ji girtiyên Gezi re azadî" vekirin. Komê bê navber siloganên "Bila zindan hilweşin û ji girtiyan re azadî", "li hundir û derve zindanan hilweşînin" û "Ji Geziyê heta Liceyê berxwedan" qeriyan. Malbatan di çalakiyê de sirûda "Çaw Bella" xwendin û xwestin girtî serbest bên berdan. Li ser navê malbatên girtiyan Dayika Hasan Tunç Leyla Tunç, daxuyanî da û azadiya girtiyan xwest. Tunç, anî ziman ku di hevditina kurê xwe de kurê wê ji wêre gotiye şert û mercên girtîgehê pir giran bûne û zextên li ser girtiyan zêde bûne.

Tunç, anî ziman ku piştî li Çewlikê 18 gerîlyên  PKK'ê xwe azad kirin û şûnde dewlet dixwaze tolê ji hemû girtiyan hilîne û zextên liser girtiyan derxistine asta herî jor. Tunç anî ziman ku niha rayedarên girtîgehê mehê 3-4 caran lêgerînê pêk tîne û hemû alav û amûrê wan tev li hev dike. Berfu Canbay jî bi boneya piştgiriyê bide çalakiyê daxuyanî da û diyar kir ku di çalakyên Geziyê de di nava 10 hezar mirov de tenê der barê 160 kesan de lêpirsîn hatiye vekirin û bertekên xwe anîn ziman