Endamên Tevgera Ciwanên Şoreşger li bajarê Toûloûse yê Fransayê li pêşiya balafirgeha Toûloûseyê li hev civiyan.

Ciwanan tevî alên PKK û YBŞ'ê her wiha pankartên ji bo şermezarikrina êrişên dagirkeriyê hildan û bi dirûşma "Em Kurdistanê biparêzin" li hev civiyan.

Ciwanan ev peyam dan: "Ji 17'ê Nîsanê û vir ve bi hevkariya rejîma AKP-MHP'ê û PDK'ê li Başûrê Kurdistanê êriş têne kirin û ev êriş bi berxwedana gerîla tê têkbirin.

Bikaranîna çekên kîmyewî nîşaneya têkçûna dagirkeran e. Dewleta Tirk a faşîst ku sûcê şer dike; çekên kîmyewî bi kar tîne. Lewma divê em li dijî sûcê şer dakevin qadan û gel agahdar bikin."

Ciwanan her wiah bal kişand ser êrişa hêzên Kazimî ya li ser Şengalê û ragihand ku civaka Êzidî bi komkujiyê re rû bi rû hatiye hiştin û banga têkoşînê li Kurdan kirin.

VÎLLÎERS LE BEL

Li banliyoya Vîllîers Le Bel a paytexta Fransa Parîsê jî bi pêşengiya Tevgera Ciwanên Şoreşger girseya gel li hev civiya û êriş şermezar kir.

Di çalakiyê de êrişên li dijî qadên gerîla û êrişên li hemberî xelkê Şengalê hatin şermezarkirin û hate gotin, "Em li ku dibin bila bibin em ê li qadan bin."