Depoyeke çekan a li Silêmanî teqiya
Li bajarê Silêmanî yê Başûrê Kurdistanê, li depoyeke çekan teqînek pêk hat. 2 pêşmerge ji ber teqînê birîndar bûn.
Li depoya çekan a li bajarokê Tasluce ya bajarê Silêmanî doh bi şev saet 22:30'î teqînekê rû da.
Rayedarê Polîs û Çapemeniyê yê Silêmanî Serdar Mihemed ji RojNewsê re axivî û diyar kir ku ew nizanin bê teqîn ji ber çi pêk hatiye.
Rayedarê YNK'ê Emîd Ehmed Letîf jî got, 2 pêşmerge ji ber teqînê birîndar bûne.
Piştî teqînê agirekî mezin bi depoyê ket.
