Gulîstan Kiliç Koçyigît, diyar kir ku li Hums, Siwêda û Lazkiyeyê xwepêşandarên aştiyane ji aliyê hêzên çekdar ve hatin hedefgirtin û wiha got, “Pêkanîna tundiyê ya sîstematîk heye ku aştiya herêmî sabote dike. Weke ku Rêveberiya Xweser a Demokratîk jî destnîşan kir, armanca van êrîşan parçekirina aştiya civakî û gurkirina nefret û pevçûnê ya di navbera gelan de ye. “

Gulîstan Kiliç Koçyigît, got ku divê ji bo pêkanîna aştiyê ya li Sûriyeyê peymana 10’ê Adarê were bingehgirtin.

Koçyigît, bang li Tirkiye, Meclîsê û hêzên navneteweyî kir ku bikevin tevgerê û wiha got, “Em banga parastina maf û ewlehiya sivîlan û xurtkirina rêyên demokratîk û aştiyane dikin. Nabe ku jiyan û hêviyên sivîlan were paşguhkirin. Ev ne tenê berpirsyariyeke polîtîk e, di heman demê de erka me ya li hemberî mirovahiyê ye.”