Komîsyona Demokrasî, Xwişk-Biratî û Hevgirtina Millî ya li Meclîsa Gel a Mezin a Tirkiyeyê (TBMM) ya têkildarî pirsgirêka Kurd hatî avakirin, civîna xwe ya 13’emîn li dar xist.

Axaftina destpêkirina civînê ji aliyê Serokê Komîsyonê Nûman Kûrtûlmûş ve hate kirin û Kûrtûlmûş diyar kir ku ew nêzî dawiya xebatên guhdarîkirin û muzakereyê bûne.

Kûrtûlmûş got: ‘’Ez hêvî dikim ku em ê di zûtirîn demê de axaftinên xwe, guhdarîkirinên xwe û muzakereyên xwe bi dawî bikin û têkildarî pêngav û tedbîrên têkildarî pêvajoya ji niha û şûnde raporeke berfireh amade bikin û ji bo ku Meclîs li ser van mijaran bixebite em ê pêşniyarên xwe ragihînin desteya giştî bikin.’’

Di rûniştina ewil a civînê de ku wê bi pêşengtiya Serokê Meclisê Nûman Kurtulmuş bê lidarxistin, li Komeleya Hiqûqnasan, Enstîtûya Hiqûqê ya Tirk, Komeleya Hiqûqnasên ji bo Azadiyê (OHD), Komeleya Parêzerên Sosyal Demokrat (SODAD) û Komeleya Lêkolînên Hiqûqî (HUDER) guhdarî bike. Di rûniştina duyemîn de jî wê li Prof. Dr. Abdurrahman Eren, Prof. Dr. Fazil Husnu Erdem, Prof. Dr. Îlhan Uzulmez, Prof. Dr. Mahmut Koca û Prof. Dr. Bahrî Ozturk guhdarî bike.