Di çarçoveya lêpirsîna Serdozgeriya Komarê ya Meletiyê daye destpêkirin de nûçegihanê MA’yê Hakan Yalçin pêr di encama serdegirtina mala wî ya li Wanê de hate binçavkirin.  Baran Tûncel, Rojbîn Dogan û Siyajîn Yaman ên bi Yalçin re hatine binçavkirin 3 roj in li Miduriyeta Polîsan a Meletiyê tên ragirtin.

Kar û barên wergirtina îfadeyê ya li midûriyeta polîsan hêj nehatiye destpêkirin. Hata zanîn ku di çarçoveya heman lêpirsînê de Teyfîk Kanat jî 2 roj berê li Amedê hate binçavkirin û birin Meletiyê. Hate diyarkirin ku di çarçoveya lêpirsîna hatiye destpêkirin de dibe ku hejmara binçavkiriyan zêde bibe.