Ji parêzerên Buroya Hiqûqê ya Sedsalê Raziye Ozturk, Cengîz Yureklî, Îbrahîm Bîlmez û Emran Emekçî ji bo karibin Rêberê Gelê Kurd Abdullah Ocalan ku di bin tecrîdek girankirî de tê ragirtin bibînin serî li Serdozgeriya Komarê ya Bûrsayê û Midûriyeta Girtîgeha Îmraliyê dan. Parêzeran ji bo dîtina Omer Hayrî Konar, Hamîlî Yildirim û Veysî Aktaş ên li Îmraliyê têne girtin jî bi heman daxwazê serî li serdozgeriyê û midûriyeta girtîgehê dan.

Ji 25'ê Adara 2021'ê û vir ve bi ti awayî agahî ji Rêberê Gelê Kurd Abdullah Ocalan nayê wergirtin.

Parêzer ji bo dîtina Rêberê Gelê Kurd hefteyê 2 caran serlêdanê dikin, lê belê nikarin bersivek erênî an jî neyînî bigirin.

Di nava 12 salên dawî de tenê 5 caran parêzeran karîbûn Rêberê Gelê Kurd Abdullah Ocalan bibînin. Hevdîtina herî dawî ya parêzeran jî di 7'ê Tebaxa 2019'an de hatibû kirin, ku çar sal di ser re derbas bûn.