34 meh in agahî ji Rêberê Gelê Kurd Abdullah Ocalan nayê girtin ku li Girtîgeha Ewlekariya Bilind a Tîpa F a Îmraliyê di bin tecrîdê de tê ragirtin. Parêzerên wî ji bo dîtina muwekîlê xwe serî li Serdozgeriya Komara Bûrsayê û Midûriyeta Saziya Ceza û Înfazê ya Îmraliyê dan.

Serlêdan ji aliyê parêzerên Buroya Hiqûqê ya Asrinê Raziye Ozturk, Emran Emekçî, Îbrahîm Bîlmez û Cengîz Yureklî ve hate kirin.

Parêzeran ji bo muwekîlên xwe yên din ên li Îmraliyê Omer Hayrî Konar, Hamîlî Yildirim û Veysî Aktaş jî serlêdan kirin.

Serlêdanên hevdîtinê yên malbat û parêzerên Abdullah Ocalan û sê girtiyên din, bi hinceta “cezayên disîplînê” tê astengkirin. Dadgerî hejmara dosyayê ya têkildarî cezayê disîplînê parve nake.