1’emîn rûniştina dozê yê Edîtorê Ajansa Nûçeyan a Mezopotamyayê (MA) Sedat Yilmaz ê ku di çarçoveya lêpirsîna Enqereyê de di 29’ê Nîsanê de li Amedê hatibû binçavkirin û di 3’yê Gulanê Roja Azadiya Çapemeniyê ya Cîhanê de hatibû girtin, bi îdiaya "endamtiya rêxistinê" û "avakirin û birêvebirina rêxistinê" hat dîtin.

Di rûniştinê de şahidên veşartî "Ulaş" û "K8Ç4B3L1T5" bi rêya Pergala Deng û Dîmen (SEGBÎS) hatin guhdarkirin. Dozger xwest rewşa girtîbûnê ya Yilmaz bidome.

Piştî axaftinên parêzer Şûle Recepoglu û Resûl Temur û Hev Dîrektorê MLSA û parêzerê Yilmaz Veysel Ok, heyeta dadgehê biryara serbestberdana Yilmaz da. Dadgehê der barê Sedat Yilmaz de biryara qedexeya derketina dervî welat da.

Rûniştina dozê taloqî 29'ê Sibata 2024'yan hate kirin.