Tecrîda li ser Rêberê Gelê Kurd Abdullah Ocalan li Komara Xweser a Adîgeyê ya herêma Krasnodar a Rûsyayê hate şermezarkirin.

Bi navê jinên Kurd ên li Adîgeyê, Hevseroka Meclîsa Kurd a Adîgeyê Sînem Broyeva daxuyanî da. Broyeva bi bîr xist ku ji sala 2011'an û vir ve tecrîdeke girn li ser Rêberê Gelê Kurd Abdullah Ocalan heye û destûr nayê dayin ku parêzer û malbata xwe bibîne. Broyeva got, heta ku agahiyê ji Rêberê xwe bigirin wê çalakiyên xwe bidomînin.

Di daxuyaniyê de bal hate kişandin ser êrîşên dagirkeriyê yên rejîma AKP-MHP'ê yên li çar parçeyên Kurdistanê.

Broyeva destnîşan kir ku weke jinên Kurd ên li Adîgeyê ew azadiya Rêberê Gelê Kurd Abdullah Ocalan weke azadiya xwe dibînin.