Bi sedan welatiyên bajarokê Sirinê, cenazeyê şervanê QSD'ê Hesen Şems Şîmelî  ku di Pêngava Rizgarkirina Reqayê de şehîd bûbû wergirtin û bi merasîmekê veşartin.

Welatiyan alên Yekîneyên Parastina Gel YPG`ê û YPJ`ê û wêneyên têkoşeran hildan. Li goristana gund merasîmek hate lidarxistin. Merasîm bi rêzgirtinê dest pê kir.

Piştre li ser navê Hêzên Sûriyeya Demokratîk Ezîz Ereba axivî û di destpêka axaftina xwe de sersaxî ji malbata şehîd re xwest û destnîşan kir ku ew ê heta dawî şopdarên rêya cangoriyan bin.

Di berdewama merasîmê de li ser navê MSDʹê Reşo Seîd axivî û got ku gelê Sûriyeyê wê li dijî hemû êrîşên dewleta Tirk a dagirker serî hildin û wê parastina herêmên xwe bikin.

Di merasîmê de her wiha nasnameya şehîd hate xwendin û sicîl radestî malbatê hate kirin. Di dawiya mersîmê de girseya gel cenazeyê şehîd bi dirûşmeyan spartin axê. Di dawiya merasîmê de girseya gel cenaze birin gundê Ewasî ya bajarokê Sirînê û li wir bi dirûşmeyan veşartin.