Cenazeyê şervanê Hêzên Xweparastinê Mustefa Osman ku 17′ê Tîrmehê di berxwedana gundê Eyn Deqnê şehîd bû, ji nexweşxaneya Avrînê hat wergirtin û li goristana Şehîd Seydo ya li gundê Kefer Sefra yê navçeya Cindirêsê ya Efrînê hate veşartin.

Di destpêkê de merasîma leşkerî hate kirin. Piştre endamê Meclîsa Malbatên Şehîdan a navçeya Şiyê Reşîd Fatiko û Serokê Desteya Parastinê Behcet Ebdo axivîn. Qisekeran serketinên gelên Bakurê Sûriyê silav kirin û dan zanîn ku ev serketin bi saya xwîna şehîdan hatine bidestxistin.  Her wiha bal kişandin ser berxwedana têkoşeran a li hember êrîşên dewleta Tirk a dagirker.

Di dawiyê merasîmê de nasnameya şehîd hat xwendin, radestî malbata wî hate kirin û cenazeyê wî li goristanê hate veşartin.