Bi sedan welatiyên ji bajarê Serêkaniyê û gundewarê wê, cenazeyê şervanê Yekîneyên Parastina Gel (YPG) Edhem Mehmûd (Şoreş Cûdî) ku di 7 Tîrmehê de li Reqayê şehîd bûbû, li Şehîdgeha Şehîd Rustem Cûdî ya li Berkevirê veşartin.

Piştî merasîma leşkerî ya şervanên YPG/YPJ'ê, endamê Meclîsa Malbatên Şehîdan a bajarê Serêkaniyê Elî Xelîl axivî  û sersaxî ji malbata têkoşer Cûdî re xwest.

Ji Fermandarên YPG'ê Metîn Polat jî destnîşan kir, ku ew ê welêt ji hemû êrîşan, bi taybetî ji êrîşên dewleta Tirk biparêzin.

Piştî axaftinan, belgenameya şehadetê ya Şoreş Cûdî hate xwendin û radestî malbata wî hate kirin. Di dawiya merasîmê de, cenazeyê têkoşer Şoreş Cûdî hate veşartin.