Pêşveçûna şervanên QSD'ê li her çar aliyên bajarê Reqayê didome. Li Reqaya Berê di şerê di navbera şervanan û çeteyan de, herî kêm 11 çete hatin kuştin û 2 wesayîtên doçka barkirî jî hatin rûxandin.

Li  aliyê  din 5 çeteyên xwekuj di heman demê de xwestin êrîşî nuqteyên rizgar kirî bikin, lê di encamê de 2 çete hatin kuştin, yê sêyemîn  jî piştî ku birîndar bû xwe teqand. Di vê  êrîşê de  şervanekî QSD ê birîndar bû, û herdu çeteyên din ji ber derbeyên şervanan reviyan hundirê bajar.

Li taxa Rewda a dikeve bakur rojhilatê bajêr û Taxa Yermûk a li rojavayê bajêr heta van kêliyan jî şer girane û encamên şer nehatin zelalkirin.

Her wiha şervanan çend nuqteyên din ji taxa Hişam Bin Ebdulmelik rizgar kirin û hejmarek mayîn jî rakirin.