Li rojavayê Siwêdayê şer
Li rojavayê Siwêdayê bi taybetî li derdora bajarokê Welgayê, di navbera hêzên hikûmeta demkî ya Sûriyeyê û Hêzên Parêzvanên Niştîmanî yên Siwêdayê de, şer qewimî.
BI DÎMEN
Duh (8’ê Cotmehê) di saetên şevê de li rojavayê Siwêdayê di navbera Hêzên Parêzvanên Niştîmanî yên Siwêdayê û hêzên hikumeta demkî ya Sûriyeyê de pevçûn derket.
Li gorî şahidan, li tevahî taxên Siwêdayê ji ber pevçûnên li eniyên rojavayê bajarokê Welga dengê teqînan û avêtina guleyan hatin bihîstin.
Li herêmên rojavayê Siwêdayê binpêkirinên peymana agirbestê ya di Tîrmehê de bi navbeynkariya Emerîkayê hatiye îmzekirin, ji hêla hêzên hikumeta demkî ve didomin.
